YAPHUKILEYO
UHLELO LEPASIKA
UYesu akazange avumele ukwaliwa, ukubandezeleka, neentlungu ukuba ziyenze lukhuni intliziyo yakhe. Endaweni yoko, wophuka waza wabuthulula ubomi bakhe ngenxa yethu.
Masilandele umzekelo wakhe sivumele uThixo asebenzise ukophuka kwethu ukukhulula imiphefumlo eMzantsi Afrika.
“Umbingelelo wam [umbingelelo owamkelekileyo] kuThixo ngumoya owaphukileyo; intliziyo eyaphukileyo netyumkileyo [eyaphukileyo ngenxa yesono nokuthobeka nokuzisola ngokucokisekileyo], onjalo, Thixo, akuyi kuyidela.” INdumiso 51:17
Iveki 2: Intliziyo Eyaphukileyo
Xa utyala imbewu, kukho ubomi ngaphakathi, kodwa kukho iqokobhe eliqinileyo elijikelezileyo. Ngaphambi kokuba size kuKristu, amanxeba kunye nobuhlungu ebomini bethu bakha iqokobhe eliqinileyo ezintliziyweni zethu. Elo qokobhe liqinile sisono—indalo endala, indalo kaSathana—kwaye lakha udonga phakathi koThixo nathi.
Iveki 3: Hlala Uphukile
UYesu akazange avumele ukwaliwa, intiyo, nengqumbo yabantu baKhe ukuba iyenze lukhuni intliziyo yakhe. Wayaphula inyama yakhe endaweni yokunikezela kuyo, yiyo loo nto ukukhanya nothando lwakhe lwalunokuqukuqela. Xa uYesu wabona izinto awayefanele atyhubele kuzo, wathi: “Makwenzeke, kungekhona ukuthanda kwam, kodwa okwakho.”— Luka 22:42 .
Iveki 4: Ukwaphuka Nokuthobela
Xa sisenza ngokwethu umsebenzi okanye imiyalelo kaThixo ngendlela yethu, asithobeli. AmaKristu amaninzi azelwe ngokutsha, afunda iLizwi, athandaze kwaye afune ukuxolelwa izono zawo, kodwa abafuni kukwenza oko ngendlela kaThixo. KwiZenzo 9, sifunda ngendlela uSawule awawatshutshisa ngayo waza wawabulala amaKristu, ecinga ukuba wayesebenzela uThixo yaye ephila ubomi obungcwele. Wayecinga ukuba koko uThixo wayefuna akwenze.